Prézidént bush dalay lamagha amérika dölet mejlisi altun médali tarqitish murasimigha qatnishidu
2007.09.28
Amérika dölet xewpsizlik komitéti bayanatchisining ashkarilishiche, prézidént bush kéler ay tibet rohani dahisi dalay lamagha amérika dölet mejlisi altun médali tarqitish murasimigha qatnishishni qarar qilghan.
Amérika dölet mejlisi ötken yili dalay lamagha dölet mejlisi altun midali tarqitish toghrisida qanun maqullighan bolup, tarqitish murasimi 10 - ayning 17 - küni dölet mejlisi binasida ötküzülmekchi. Dölet mejlisi altun médali amérika puqralirigha bérilidighan eng yuqiri sherep mukapatidur. Xelq'ara tibet herikiti teshkilatining eskertishiche, prézidént bush buningdin burun bir qanche qétim dalay lamani aqsarayda qobul qilghan bolsimu, lékin bush bu qétimqi murasimgha qatnashsa, bu hazirgha qeder dalay lama bilen bu murasimgha qatnashqan tunji amérika prézidénti bolup qalidiken.
Xitay da'iriliri dalay lamani diniy ton'gha oriniwélip, tibet musteqilliqini telep qilidighan "bölgünchilik" dep eyiblimekte. Lékin dalay lama béyjing da'irilirining bu eyiblishini ret qilip, meqsidi tibetning medeniyet we diniy jehettiki aliy aptonomiyisini telep qilish ikenlikini bildürmekte. Közetküchilerning eskertishiche, eger bush murasimgha qatnashsa, bu xitay da'irilirining ghezipini qozghishi mumkin. Chünki bashqa döletler xitayning öktichilirini yaki xitay qarshi turidighan milliy yitekchilerni kütiwalsa, xitay hökümiti bu döletlerge da'im naraziliq bildürüp keldi. Gérmaniye bash ministiri an'géla mérkél ötken hepte dalay lama bilen körüshse, xitay hökümiti mérkélni xitay - gérmaniye munasiwitige ziyan saldi , dep eyibligen.
Buningdin burun bu 6 - ayda prézidént bush Uyghur milliy herikitining rehbiri rabiye qadir xanimni qobul qilsa, xitay tashqi ishlar ministirliqi amérikining béyjingdiki bash elchisini chaqirtip kélip, bush - rabiye qadir uchrishishigha chüshenche bérishni telep qilghan. (Erkin)
Munasiwetlik maqalilar
- Gérmaniye bash ministiri an'géla mérkél tibetlerning rohaniy dahiysi dalay lamani qobul qildi
- Awstriye bash ministiri gusénbéyr dalay lama bilen körüshti
- Xitay hökümiti gérmaniye bash ministirining dalay lamani kütüwalmaqchi bolghanliqigha naraziliq bildürdi
- Amérika diniy erkinlik komitéti xitayni eyiblidi
- Yawropa parlaménti wekiller ömiki tibette ziyarette bolmaqta
- Awstiraliye bash ministiri jon xoward béyjingning naraziliqigha pisent qilmidi
- Awstraliye bash ministiri xitayning naraziliqigha qarimay dalay lama bilen körüsh arzusini bildürdi
- Dalay lamaning bélgiye ziyariti ongushsizliqqa uchrighanliqi xelq'ara jama'etchilikning diqqitini qozghidi
- Kondiliza rayis, béyjingni dalay lama bilen söhbetlishishke chaqirdi