Америка дөләт мәҗлиси әзалири хитай һәққидә бир қатар паалийәтләргә тәйярланмақта

Игиләшләргә қариғанда, америка дөләт мәҗлиси әзалири, 2008‏- йиллиқ бейҗиң олимпик тәнһәрикәт йиғини сәвәбидин, хәлқара җамаәтниң диққәт итивариниң хитайға бурулғланлиқидин пайдилинип, хитайдики кишилик һоқуқ дәпсәндичиликлири вә хитайниң һәрбий хамчотини күнсери күпәйтиватқанлиқи қатарлиқ мәсилиләргә техиму көп көңүл бөлүшни вә бу мәсилиләрни өзлириниң 2008‏- йили ичидики әң муһим паалийәт мәркизигә айландурушни пиланлимақта.

Америка бирләшмә агентлиқиниң хәвәр қилишичә, америка дөләт мәҗлиси әзалири, 8‏- авғуст күни ичилидиған 2008‏- йиллиқ бейҗиң олимпик тәнһәрикәт йиғини сәвәбидин хәлқара җамаәтниң диққитиниң хитайға бурулғанлиқидин шуниңдәк ноябир ейида өткүзүлидиған америка президент сайлими түпәйлидин, хитай- америка мунасивәтлириниң президент намзатлириниң әң муһим муназирә темилириниң биригә айланғанлиқидин пайдилинип, хитайниң адаләтсиз иқтисадий сиясити, һәрбий күчини ашуруш үчүн йошурун елип бериватқан паалийәтлири һәмдә хитайдики кишилик һоқуқ дәпсәндичиликлири һәққидә гуваһлиқтин өтүш йиғинлири өткүзүш һәмдә қарар лайиһилири чиқиришни, өзлириниң паалийәт күн тәртипигә киргүзгән.

Америка дөләт мәҗлиси, ташқи мунасивәтләр комитетиниң әзаси, кирстофәр симит, " хитай һөкүмити, олимпик тәнһәрикәт йиғинидин, дуняға өзиниң утуқлирини көрситиш үчүн пайдиланмақчи. Биз му буниңдин, хәлқара җамаәткә, хитайда кишилик һоқуқниң қандақ еғир дәриҗидә дәпсәндә болуватқанлиқини көрситиш үчүн, пайдилинишимиз, керәк" дегән.

Киристофәр симт , хитай һөкүмитиниң уйғурларға қаратқан сияситини давамлиқ тәнқид қилип келиватқан болуп, америка дөләт мәҗлисидә бир нәччә қетим уйғурлар мәсилсини оттуриға қойған шуниңдәк өткән йили америка дөләт мәҗлиси ташқи мунасивәтләр комитети тәрипидин қобул қилинған, уйғурлар һәққидики қарар лайиһисиниң тәйярлинишида муһим рол ойниған иди.

Хәвәрләргә қариғанда, у, америка дөләт мәҗлисигә, америка ширкәтлириниң, интернет торбәтлиригә чәклимә қойған дөләтләргә илғар техник үскүнилирини сетишини чәкләйдиған бир қанун лайиһиси сунуш үчүн тәйярланмақта икән.

Буни бесиш арқилиқ, пикриңизни йезиң

• Принт
• Һәмбәһр
• Әвәтиш

Барлиқ пикир - баянларни көрүш.

• Бүгүнки аңлитиш
• Илгирики аңлитишлар