Afghanistandiki amérika qisimliri qisqartilmaqchi


2006.07.11
Share on WhatsApp
Share on WhatsApp

Afghanistanni ziyaret qiliwatqan amérika mudapi'e ministiri donald ramizfild, shimaliy atlantik okyan ehdi teshkilatining afghanistandiki tinchliqni qoghdash pa'aliyitining da'irisini kéngeytkenliki tarixiy bir weqe dep körsetti. Donald ramizfild, ikki hepte ichide afghanistanni ziyaret qilghan amérikining ikkinchi aliy derijilik hökümet emeldari bolup hésablinidu. Ikki hepte awwal amérika tashqi ishlar ministiri kondaliza rays afghanistanni ziyaret qilip, amérika hökümitining afghanistan prézidénti kerzey hökümitige bériwatqan yardimining özlüksiz dawamlishidighanliqini tekitligen idi.

Afghna'istandiki shimaliy atlantik okyan ehdi teshkilatining tinchliqni qoghdash pa'aliyiti hazirghiche asasen afghanistanning shaliy, gherbiy rayoni hemde paytext kabul bilen cheklen'gen. Yéqinda pa'aliyet da'irisini kéngeytip, bu ay ichide afghanistanning jenubiy rayonlirigha herbiy qisimlirini ewetishni qarar qildi.

Lékin amérika mudapi'e ministiri, shimaliy atlantik okyan ehdi teshkilatining afghanistandiki herbiy pa'aliyitini kéngeytkenliki, amérikining afghanistandin chékinishi dégenlik emes, dédi.

Afghanistanning jenubiy we sherqi jenubiy rayonlirida taliban qalduqliri herbiy pa'aliyetlirini üzlüksiz dawamlashturiwatidu. Taliban qalduqliri yéqindin buyan yeni amérika qisimlirining afghanistanning jenubiy rayonidin chikinidighanliqi we ularning ornigha shimaliy atlantik okyan ehdi teshkilati herbiy qisismlirining orunlishdighanliqi élan qilin'ghandin béri, hujumlirini köpeytti. Netijide ötken ikki ay ichide afghanistanda köpünchisi taliban jengchisi yüzligen kishi öldi.

Afghanistandiki talibanlar hakimiyiti amérika herbiy qisismliri teripidin gumran qilinip besh yildin kéyin, afghanistandiki taliban qalduqlirining qaytidin teshkillinip, afghanistan hökümiti we afghanistandiki birleshme armiye qisimliri üchün jiddiy bir tehditke aylan'ghanliqi siyasiy we herbiy mulahizichilerni heyran qaldurmaqta.

Xewerlerge qarighanda, shimaliy atlantik okyan herbiy qisimlirining afghanistandiki herbiy pa'aliyetlerning mes'uliyitini öz üstige élishi bilen amérika afghanistandiki eskerlirining sanini hazirqi 22000 kishidin 16500 ge azaytishni pilanlimaqta. (Qanat)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet