Җорҗ буш афғанистан истратегийсини өзгәртини пиланлимақта


2007.01.25
Share on WhatsApp
Share on WhatsApp

Йеқинда ираққа қарита йеңи бир истратегийә йолға қойған америка президенти җурҗ буш, йәнә афғанистан истратегийсини өзгәртишни пиланлиди.

Ираққа йәнә 21500 америка әскири әвәтишни қарар қилған президент буш, афғанистан миллий армийисини күчләндүрүш вә афғанистанни қайтидин қуруш ишлириға техму көп мәбләғ аҗритишни пиланлимақта. Хәвәрләргә қариғанда, президент буш йеқинда америка дөләт мәҗлисидин афғанистанни қайтидин қуруш вә афғанистандики бихәтәрлик хизмәтлиридә ишлитиш үчүн 9 милярд доллар әтрапида қошумчә пул аҗритишни тәләп қилидикән.

Ақ сарайниң баянатчиси тони сино "президент бушниң афғанистан һәққидики йеңи пилани, җүмә күни америка ташқи ишлар министири кондализа райс тәрипидин шималий атлантик окян әһди тәшкилати ташқи ишлар министирлириниң брюсселда өткүзүлидиған йеғини җәрянида елан қилиниду" деди.

Көпчиликкә мәлум болғинидәк, бәш йил бурун америкиниң һәрбий һәрикити нәтиҗисидә афғанситандики һакимийити гумран болған талибанлар қайтидин тәшкиллинип, нөвәттә афғанистанниң җәнубий вә шәрқий җәнубий районлирида паалийәтлирини күчәйтип, һәтта бәзи наһийиләрниң контроллиқини қолға кәлтүрүш билән биргә һакимийитини қайтидин тиклимәктә. Сиясий вә һәрбий мутәхәссисләр, талибанларниң һәрикитиниң күчлинишидә, афғанистанни қайтидин қуруш ишиниң әмәлгә ашмиғанлиқиниң һәмдә афғанистан һөкүмитиниң иқтисадий мәсилиләрни бир тәрп қилалмиғанлиқиниң муһим рол ойниғанлиқини билдүрмәктә.

Афғанистандики шмалий атлантик окян әһди тәшкилатиниң һәрбий қисимлириниң қоманданлириму, талибанлар һәрикитини тохтитиш үчүн, дуня дөләтлириниң афғанистанни қайтидин қуруш үчүн бәргән вәдилирини орундиши керәкликини тәкитлиди. (Әқидә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.