Jorj bush afghanistan istratégiysini özgertini pilanlimaqta


2007.01.25

Yéqinda iraqqa qarita yéngi bir istratégiye yolgha qoyghan amérika prézidénti jurj bush, yene afghanistan istratégiysini özgertishni pilanlidi.

Iraqqa yene 21500 amérika eskiri ewetishni qarar qilghan prézidént bush, afghanistan milliy armiyisini küchlendürüsh we afghanistanni qaytidin qurush ishlirigha téxmu köp meblegh ajritishni pilanlimaqta. Xewerlerge qarighanda, prézidént bush yéqinda amérika dölet mejlisidin afghanistanni qaytidin qurush we afghanistandiki bixeterlik xizmetliride ishlitish üchün 9 milyard dollar etrapida qoshumche pul ajritishni telep qilidiken.

Aq sarayning bayanatchisi toni sino "prézidént bushning afghanistan heqqidiki yéngi pilani, jüme küni amérika tashqi ishlar ministiri kondaliza rays teripidin shimaliy atlantik okyan ehdi teshkilati tashqi ishlar ministirlirining bryussélda ötküzülidighan yéghini jeryanida élan qilinidu" dédi.

Köpchilikke melum bolghinidek, besh yil burun amérikining herbiy herikiti netijiside afghansitandiki hakimiyiti gumran bolghan talibanlar qaytidin teshkillinip, nöwette afghanistanning jenubiy we sherqiy jenubiy rayonlirida pa'aliyetlirini kücheytip, hetta bezi nahiyilerning kontrolliqini qolgha keltürüsh bilen birge hakimiyitini qaytidin tiklimekte. Siyasiy we herbiy mutexessisler, talibanlarning herikitining küchlinishide, afghanistanni qaytidin qurush ishining emelge ashmighanliqining hemde afghanistan hökümitining iqtisadiy mesililerni bir terp qilalmighanliqining muhim rol oynighanliqini bildürmekte.

Afghanistandiki shmaliy atlantik okyan ehdi teshkilatining herbiy qisimlirining qomandanlirimu, talibanlar herikitini toxtitish üchün, dunya döletlirining afghanistanni qaytidin qurush üchün bergen wedilirini orundishi kéreklikini tekitlidi. (Eqide)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.