Amérika yardemchi tashqi ishlar ministiri sherqiy asiya ellirini ziyaret qildi


2006.09.04
Share on WhatsApp
Share on WhatsApp

Amérika yardemchi tashqi ishlar ministiri kristofir xill düshenbe küni yaponiyige yétip kélip sherqiy asiya elliride élip baridighan ziyaritini bashlidi.

Kristofir xill tokyoda muxbirlargha nöwettiki weziyette shimaliy koriye yadro söhbitini eslige keltürüshning " nahayiti qiyinliqini" tekitligen. U, yaponiye, jenubiy koriye we xitayda élip baridighan bu ziyaritining shimali koriye yadro söhbitini eslige keltürüshke yardimi tégishni ümid qilidu.

Xill ötken qétim sherqiy asiya ellirini ziyaret qilghanda shimaliy koriye xelq'ara jem'iyetning bésimigha qarimay bashqurulidighan bomba siniqi élip barghan. Shuningdin kéyin amérika, béyjing hökümitige bésim ishlitishni kücheytip, xitay da'iriliridin shimali koriyige qarshi qattiq qol bolushni we 6 dölet söhbitini tézrek eslige keltürüshke qistashni telep qilmaqta.

Amérika tashqi ishlar ministirliqining ashkarilishiche, kristofir xill seyshenbe küni béyjinggha yétip bérip, shenbe künigiche xitayning chéngdu, gu'angju we shangxey sheherlirini ziyaret qilidiken.

Shimaliy koriye 2005 - yili 9 - ayda yadro qorallar pilanidin waz kéchishke maqul bolghan bolsimu, lékin söhbettin kéyin pyongyang amérikining shimali koriyige qoyghan pul - mu'amile imbargosigha narazi bolup, hazirghiche söhbet üstige qaytishni ret qilip kelmekte. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet