Amérika xitaydin "bürküt bachkisi" awi'amatkisining xongkongda toxtishini ret qilish herikitige chüshenche bérishni telep qildi


2007-11-23
Share

Xitay, amérikining " bürküt bachkisi" belgilik awi'amatkisining xongkongda lengger tashlap toxtishigha ruxset qilmighandin kéyin, amérika tashqiy ishlar ministirliqi xitay hökümitidin bu herikitige chüshenche bérishni telep qildi.

Esli pilanda amérikining " bürküt bachkisi" awi'amatka etritidiki 8 ming neper esker peyshenbe küni xongkongda toxtap, " minnetdarliq bayrimi"ni bu yerde tebriklimekchi idi. Lékin awi'amatka etriti axirqi minutta xitay terepning xongkongni ziyaret qilishqa bolmaydighanliqi heqqidiki uqturushini tapshuruwalghan.

Bu mezgilde amérika awi'amatka etritidiki bir qisim esker we ofitsirlarning a'ile - tawabati xongkonggha kélip, minnetdarliq bayrimini birge ötküzüsh arzusida paraxottiki kishilirini qirghaqta kütüwatqan idi. Xitay terep awi'amatka etritining xongkongda toxtishigha ruxset qilmighandin kéyin, bu qirghaqtiki a'ile - tawabatlirini bek epsuslandurghan.

Amérika awi'amatka etriti bolsa xongkonggha kirelmey shu küni yaponiyidiki turalghusigha qaytqan idi. Lékin weqe yüz bérip bir qanche sa'ettin kéyin xitay tashqi ishlarministirliqi bayanat élan qilip, awi'amatka etritining xongkonggha kirishige ruxset qilghanliqini jakarlighan bolsimu, lékin amérika awi'amatka etriti " paraxotlarning xongkong portidin ayrilip bolghanliqi shundaqla hawa rayi sewebidin" xongkongda toxtash pilanidin waz kechkenlikini jakarlighan.

Analizchilar, xitay terepning amérika awi'amatka etritini axirqi minutta ret qilghanliqi xelq'ara munasiwetlerde az körülidighan ehwal, dep qarimaqta. Amérika tashqi ishlar ministirliqi peyshenbe küni bu weqe toghrisida bayanat élan qilip, xitay da'irilirining weqening sewebige chüshenche bérishini telep qildi. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet