Һиндистан америка билән дөләт мудапиә келишими имзалиди


2005.06.29
Share on WhatsApp
Share on WhatsApp

Һиндистан билән америка чаршәнбә күни икки дөләтниң дөләт мудапиә мунасивитини күчәйтиш үчүн 10 йиллиқ күчкә игә дөләт мудапиә келишимини имзалиди. Тарихий әһмийәткә игә болған бу келишим, икки дөләтниң бирләшмә қорал ишләпчиқириш, башқурулидиған бомбидин мудапиәлиниш вә техника алмаштуруш саһәлиридики һәмкарлиқини өз ичигә алди.

Шундақла бу келишим америка дөләт мудапиә министири доналд рамсфелд билән вашингтонда зиярәттә болуватқан һиндистан дөләт мудапиә министири пранаб мухерҗи оттурисида түзүлгән болуп, бу икки министир келишимдин кейин баянат елан қилип, "һиндисстан- америка икки дөләт мунасивити, тарихта көрүлүп бақмиған һәмкарлиқ сәвийисигә йәтти" дәп билдүрди.

Баянатта улар йәнә, америка билән һиндистанниң йеңи бир дәвиргә қәдәм қойғанлиқини һәмдә буниң икки дөләтниң ортақ принсипи вә дөләт мәнпәәтини әкс әттүридиғанлиқини ейтти.

Пранаб мухерҗиниң вашингтондики зиярити, униң өткән йили һиндистан дөләт мудапиә министирлиқиға тәйинләнгәндин буянқи америкиға қилған тунҗи қетимлиқ зиярити болуп, у бу қетимқи сәпиридә йәнә, америка һөкүмитиниң һиндистанға ядро техникиси бәрмәслик чәклимисини бикар қилишни тәләп қилди. Һиндистан 1998 - йили ядро синиқи елип барғандин кейин, америка бу чәклимини чиқарған иди. (Пәридә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.