Hindistan amérika bilen dölet mudapi'e kélishimi imzalidi


2005.06.29
Share on WhatsApp
Share on WhatsApp

Hindistan bilen amérika charshenbe küni ikki döletning dölet mudapi'e munasiwitini kücheytish üchün 10 yilliq küchke ige dölet mudapi'e kélishimini imzalidi. Tarixiy ehmiyetke ige bolghan bu kélishim, ikki döletning birleshme qoral ishlepchiqirish, bashqurulidighan bombidin mudapi'elinish we téxnika almashturush saheliridiki hemkarliqini öz ichige aldi.

Shundaqla bu kélishim amérika dölet mudapi'e ministiri donald ramsféld bilen washin'gtonda ziyarette boluwatqan hindistan dölet mudapi'e ministiri pranab muxérji otturisida tüzülgen bolup, bu ikki ministir kélishimdin kéyin bayanat élan qilip, "hindisstan- amérika ikki dölet munasiwiti, tarixta körülüp baqmighan hemkarliq sewiyisige yetti" dep bildürdi.

Bayanatta ular yene, amérika bilen hindistanning yéngi bir dewirge qedem qoyghanliqini hemde buning ikki döletning ortaq prinsipi we dölet menpe'etini eks ettüridighanliqini éytti.

Pranab muxérjining washin'gtondiki ziyariti, uning ötken yili hindistan dölet mudapi'e ministirliqigha teyinlen'gendin buyanqi amérikigha qilghan tunji qétimliq ziyariti bolup, u bu qétimqi sepiride yene, amérika hökümitining hindistan'gha yadro téxnikisi bermeslik cheklimisini bikar qilishni telep qildi. Hindistan 1998 - yili yadro siniqi élip barghandin kéyin, amérika bu cheklimini chiqarghan idi. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.