Президент буш һиндистан билән истратегийилик шериклик мунасивити орнатқанлиқини җакарлиди

• 
  2006-03-03

Америка президенти җорҗи буш һиндистандики икки күнлик зиярити җәрянида йеңи деһли билән ядро енергийә һәмкарлиқ келишими имзалиғандин кейин, һиндистан билән истратегийилик шериклик мунасивити орнатқанлиқини җакарлиди.

Буш, һиндистанниң юқири техника райони һәйдәрабадни зиярәт қилғанда ядро келишимини " наһайити муһим келишим, дәп көрсәтти. У, шу йәрдики бир сода мәктипиниң оқуғучилириға сөз қилғанда, " бизниң истратегийилик шериклик мунасивитимиз мени һаяҗанға салди" дәйду.

Буш һәйдәрабадни зиярәт қилғанда мусулманлар нәччә миң кишилик намайиш өткүзди. Намайишчилар усама бин ладенниң сүритини көтүривалған. Лакнава шәһиридики намайишта мусулманлар билән һинди динидикиләр оттурисида тоқунуш йүз берип, аз дегәндә 3 адәм өлди, 17 адәм яриланди .

Президент буш һиндистан зияритини ахирлаштуруштин бурун йеңи деһлидики пурана чила тарихий қәләсидә һиндистан хәлқиғә сөзқилип, "һиндистан америкиниң 21 - әсирдики тәбий иттипақдиши, чүнки биз инсанийәтниң әркинлики мәсилисидә қериндаш " дәп тәкитлиди.

Бушниң зиярити җүмә күни ахирлашқандин кейин, у шу күни пакистан пайтәхти исламабад шәһиригә йетип барған. Америка президентиниң әскәртишичә, у пакистанда исламабад даирилири билән террорчилиққа қарши туруш һәмкарлиқи, америка - пакистан сияси - иқтисади мунасивәтлири бойичә музакирә елип баридикән. (Әркин)