Америкиниң мәхпий тутуп туруш орунлири барлиқи һәққидики хәвәр хәлқараниң диққитини тартмақта


2005-11-03
Share

Америкиниң көп дөләтләрдә әл - қайдә тәшкилати әзалири вә террорлуқ гумандарлирини мәхпий тутуп туруш орунлири барлиқи һәққидики хәвәр хәлқараниң диққәт етибарини тартмақта.

Америкидики даңлиқ " вашингтон почта гезити" чаршәнбә күни америка мәркизи ахбарат идарисиниң башқа дөләтләрдә қурған, әл қайдә тәшкилатиниң әзалирини мәхпий тутуп туруш вә сорақ қилиш орунлири барлиқини хәвәр қилған иди.

Хәвәрниң америкиниң вәзипә өтәватқан вә вәзиписидин айрилған ахбарат хадимлириниң сөзини нәқил кәлтүрүшичә, бу тутуп туруш орунлири 11 - синтәбир вәқәсидин кейин, америка билән мунасивити яхши болған сәккиз дөләттә қурулған. Бу орунларда җәмий 100 дин артуқ мәһбус бар икән.

Әнгилийә б б с радио- телевизийисиниң билдүрүшичә, хәвәр елан қилинғандин кейин, хәлқара қизил крест җәмийити, америка тутуп туриватқан террорлуқ гумандарлириниң вәзийитигә интайин көңүл бөливатқанлиқини вә бу тутқунлар билән бивастә көрүшүшни үмид қилидиғанлиқини билдүргән.

Америка һөкүмити болса, бу хәвәргә баһа беришни рәт қилди. Америка президетиниң бихәтәрлик ишлири мәслиһәтчиси, ахбарат хизмити һәққидә позитсийә билдүрмәйдиғанлиқини ейтқан. Әмма у америка президентиниң әзәлдин , америкиниң қийин - қистақ вастилирини қолланмайдиғанлиқи вә хәлқара қанун бәлгилимиләргә риайә қилидиғанлиқини ениқ тәкитләп келиватқанлиқини көрсәткән. (Арзу)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт