Donald ramsfild iraqni ziyaret qildi

2004-12-24
Élxet
Pikir
Share
Print

Amérika dölet mudapi'e ministiri donald ramsfild, xristi'anlarning rozhistwa bayrimi harpisi iraqni tuyuqsiz ziyaret qilip, iraqtiki amérika qisimlirini yoqlidi. U jüme küni amérika armiyisining mosuldiki qisimlirini közdin kechürdi. Shundaqla töt künning aldida bu yerde yüz bergen partlash weqeside yarilan'ghan eskerlerdin hal soridi.

Töt künning aldida mosuldiki amérika qisimlirining bazisida partlash yüz bérip, 22 adem ölgen. Amérika herbiy da'iriliri, partlash weqesi özini öltürwélish xaraktérlik hujum bolushi mumkin, dep jakarlidi. Bu weqe ötken yili 4 - ayda amérika bashchiliqidiki ittipaqdash küchler iraqqa hujum qilghandin béri, amérika qisimliri uchrighan eng chong yoqitish bolghan.

Buningdin ilgiri ramsfild, iraqta ölgen amérika eskerlirining a'ile tawabatigha yazghan hal sorash xétini özining imzalimighanliqi, shundaqla kuweytni ziyaret qilghanda bu yerdiki amérika eskerlirini azarlash bilen tenqit qilin'ghan. Amérika dölet mejlisining bezi ezaliri ramsfildni istipa bérishke chaqirghan idi.

Ramsfild, amérika eskerlirige ularning iraqtiki wezipisi pewqullade muhimliqini tekitlidi. Eskerlerning rozhistwa bayrimini tebrikligen ramsfild, qoralliq unsurlar üstidin ghelibe qilish ishenchisining kamilliqini ilgiri sürdi. Ramsfild, shu küni tikrit, kerbala qatarliq jaylardiki amérika eskerlirini közdin kechürgen. (Erkin)

Pikirler (0)
Share
Toluq bet