Amérika armiyisi iraqta yene 4 yil turushi mumkin

Amérikining bir yuqiri derijilik herbiy emeldarining bildürüshiche, amérika herbiy da'iriliri hazir amérikining iraqta qoshun turghuzush waqtini yene 4 yil uzartishni pilanlimaqta.

Amérika armiyisining yuqiri derijilik générali pétér shuméykér shenbe küni amérika birleshme agéntliqigha, ularning iraqta turidighan amérika esker sanini kelgüsi 4 yilghiche nöwettiki 100 ming kishilik sewiyide saqlashqa tirishidighanliqini bildürgen.

Iraq urushini bashlighan amérika prézidénti jorj w bush yéqinda "biz choqum axirqi ghelibige érishimiz" dep bildürdi. Emma amérikidiki démokratlar partiyisidin jorjiya shitatining sabiq kéngesh pala ezasi meks kliland, prézidént bushning urushta ghelibe qilish pilanini "emeliyetke uyghun emes" dep körsetti.

U sözide yene, amérikigha hazir ya iraq ghelibisini qolgha keltüreleydighan bir istratégiye, yaki bolmisa urushtin chékinip chiqish istratigiyisi kérek ikenlikini bildürdi.

Prézidént bush bolsa, hazir iraqtin qoshun chékindürüsh heqqide héchqandaq waqit jedwilining yoqliqini, chünki buning amérikini ajiz körsitidighan ségnal bérip qoyidighanliqini bildürdi. (Peride)