Демократлар ираққа йәнә әскәр әвәтишкә қарши чиқти


2007.01.05

Америкида 2006‏- йили ноябир ейида өткүзүлгән дөләт мәҗлиси сайлимида демократлар ғәлибә қилғандин кейин, сиясий мулаһизичиләр, буш һөкүмитини болупму ирақ сияситидә нурғун қейинчилиқларға дуч келиши мумкин дәп агаһландурған. Америка дөләт мәҗлисидики демократларниң бүгүн бәргән баянатлири президент буш һөкүмитиниң йеңи ирақ истратегийсини йолға қоюшта аллиқачан тосқунлуққа учрашқа башлиғанлиқини көрсәтмәктә.

Президент буш һөкүмитиниң ираққа қаратқан сияситини өзгәртип, ирақтики тоқунушларни тохтитиш үчүн ирақтики америка әскәрлириниң санини көпәйтишни пиланлаватқанлиқи билдүрүлгән. Әмма президент буш техи йеңи сияситини елан қилмай туруп, чаршәнбә күни америка дөләт мәҗлиси авам палатасиниң рәисликигә сайланған демократ нәнси пәлуси вә кеңәш палатасиниң рәисликигә сайланған һарри рид бүгүн президент бушқа бир хәт әвәтип, ираққа йәнә америка әскири әвәтишниң хата икәнликини, ирақ урушини тохтитиш вақтиниң кәлгәнлкини билдүргән.

Хәвәрләргә қариғанда, пәлуси вә ред президент бушқа әвәткән хетидә, униңдин төт айдин алтә айғичә болған вақит ичидә ирақтики америка әскәрлирини тәдриҗи һалда ирақтин чекиндүрүшкә башлишини тәләп қилған. (Қанат)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.