Démokratlar iraqqa yene esker ewetishke qarshi chiqti
2007.01.05
Amérikida 2006- yili noyabir éyida ötküzülgen dölet mejlisi saylimida démokratlar ghelibe qilghandin kéyin, siyasiy mulahizichiler, bush hökümitini bolupmu iraq siyasitide nurghun qéyinchiliqlargha duch kélishi mumkin dep agahlandurghan. Amérika dölet mejlisidiki démokratlarning bügün bergen bayanatliri prézidént bush hökümitining yéngi iraq istratégiysini yolgha qoyushta alliqachan tosqunluqqa uchrashqa bashlighanliqini körsetmekte.
Prézidént bush hökümitining iraqqa qaratqan siyasitini özgertip, iraqtiki toqunushlarni toxtitish üchün iraqtiki amérika eskerlirining sanini köpeytishni pilanlawatqanliqi bildürülgen. Emma prézidént bush téxi yéngi siyasitini élan qilmay turup, charshenbe küni amérika dölet mejlisi awam palatasining re'islikige saylan'ghan démokrat nensi pelusi we kéngesh palatasining re'islikige saylan'ghan harri rid bügün prézidént bushqa bir xet ewetip, iraqqa yene amérika eskiri ewetishning xata ikenlikini, iraq urushini toxtitish waqtining kelgenlkini bildürgen.
Xewerlerge qarighanda, pelusi we réd prézidént bushqa ewetken xétide, uningdin töt aydin alte ayghiche bolghan waqit ichide iraqtiki amérika eskerlirini tedriji halda iraqtin chékindürüshke bashlishini telep qilghan. (Qanat)
Munasiwetlik maqalilar
- Amérikining yéngi mudapi'e ministiri robrt geyts iraqni ziyaret qildi
- Amérika prizidénti jorj bush iraq mesilisi heqqide yéngi stratikiye békitidighanliqini bildürdi
- Prézidénti jurj bush iraq siyasiti üchün söhbet bashlidi
- Iraq tekshürüsh guruppisining xizmiti amérika xelqi kütken netijini bermidi
- Iraq urushi, amérika -xitay munasiwiti jehetlerde amérikining siyasetliride yéngi özgirish bolmaqta