Amérika iraqning muqimliqigha tesir körsetken döletlerge qattiq tedbir qollinidighanliqini bildürdi
2007.01.11
Amérika dölet mudapi'e ministiri kondaliza rayis peyshenbe küni, iraqning muqimliqigha buzghunchiliq qilghan döletlerge qarita heriket qozghap, taqabil turidighanliqini agahlandurdi.
Kondaliza rayis bu heqte bayanat élan qilishtin bir qanche sa'et ilgiri, amérika eskerliri iraqning shimalidiki erbil shehiride turushluq iran bash elchixanisida axturush élip bérip, 6 kishini qolgha alghan idi, bu iran terepning qattiq eyiblishige uchridi.
Bu arida amérika prizidénti jorj bush muhim bir siyasiy nutuq élan qilip, iraqning muqimliqigha dexli - teruz yetküzgen iran we süriyige qarita qattiq tedbir qollinidighanliqini bildürdi. Bush sözide yene , iraqqa qaytidin 20 ming esker ewetidighanliqini tekitlidi.
Nöwette iran bilen amérika otturisidiki munasiwet intayin jiddiy bolup, amérika iranni iraq qarshiliq körsetküchi küchlirining zorawanliq körsitishige yardemde bolush shuningdek yadro qorallirini tereqqi qildurush heriketliri bilen shughulliniwatqanliqini bildürmekte. Biraq iran terep bu xil eyibleshlerni ret qildi.
Amérika kéngesh palatasi xelq'ara munasiwetler kométitining re'isi, démokrat joséf bidén ": bushning iraq heqqide tüzgen mezkür yéngi istratégiyisi, échinishliq bir xataliq hésablinidu" dédi. (Eqide)
Munasiwetlik maqalilar
- Uchur wastiliri jorji bush élan qilish aldida turghan yéngi iraq siyasitining mezmunlirini ashkarilidi
- Amérika iraqta yene esker köpeytmekchi
- Démokratlar iraqqa yene esker ewetishke qarshi chiqti
- Amérikining yéngi mudapi'e ministiri robrt geyts iraqni ziyaret qildi
- Amérika prizidénti jorj bush iraq mesilisi heqqide yéngi stratikiye békitidighanliqini bildürdi