Kondiliza rayis liwanni ziyaret qildi

Amérika tashqiy ishlar ministiri kondiliza rayis düshenbe küni béyrutni tuyuqsiz ziyaret qilip, liwan bash ministiri fu'at sini'ora bilen isra'iliye- hizbulla toqunushini toxtitish mesilisi üstide muzakire élip bardi. Rayis aldin-ala élan qilinmighan liwan sepiridin kéyin isra'iliyini ziyaret qilidu. Bu xewer élan qilin'ghiche u isra'iliyige bérip bolushi mumkin.

Rayisning bu sepiri amérikining ikki neper isra'iliye eskiri jenubi liwandiki hizbulla partizanliri teripidin görüge éliwélin'ghandin kéyin, isra'iliyining liwan'gha hujum qilishini keltürüp chiqarghan krizisni yumshitish üchün atqan tunji diplomatik qedimi. Prézidént bush bolsa urush toxtitishtin burun bu toqunushni keltürüp chiqarghan hizbullaning mesilisi bir terep qilinishi kérek, dep qarimaqta. Liwan'gha uchush sepiride " biz hemmimiz urush toxtitishni muhim, dep qaraymiz " dep tekitligen rayis, lékin urush toxtitish " ramkisi liwan hökümitining igilik hoquqini yürgüzüsh asasigha qurulghan bolushi kérek" deydu.

" Nyu - york waqti géziti " rayisning jenubi liwan'gha sh a o e t qisimlirini orunlashturush we jenubi liwanda insanperwerlik yardem karidori échish teklipi béridighanliqini bildürdi. Isra'iliye dölet mudapi'e ministiri amir pérétz, isra'iliye sh a o e t qisimlirini jenubi liwan'gha orunlashturup, liwan hökümitining bu rayonni tizlishige yardem qilish pilanigha qiziqidu, dédi. Lékin amérika terep liwan'gha sh a o e t qisimlirini orunlashturush pilanigha baha bérip baqmidi. Amérikining b d t diki bash elchisi jon balton, " biz bu yéngi teklipni choqum estayidil oylishimiz " deydu.

Rayis isra'iliyini ziyaret qilghandin kéyin italiye paytexti rimgha bérip bu yerde ottura sherq krizisini téma qilghan bir xelq'ara yighin'gha qatnishidu. (Erkin)