Буш билән ро му- хюн, корийә уруш тохтитиш келишими орниға тинчлиқ келишимини дәсситишкә қошулди


2005.11.17

Америка президенти җорҗи буш билән җәнубий корийә президенти ро му-хюн, пәйшәнбә күни җәнубий корийиниң қәдимқи пайтәхти кйоңҗуда учришип, шималий корийә билән имзаланған уруш тохтитиш келишиминиң орниға тинчлиқ келишимини дәсситишкә қошулди.

Корийә уруш тохтитиш келишими 1953 - йили америка, хитай вә шималий корийиләр оттурисида имзаланған. Шуниң билән биргә , улар шималий корийиниң ядро қоралларға игә болушиға сүкүт қилип турмайдиғанлиқини җакарлиди. Әмма бушниң тәкитлишичә, икки дөләт шималий корийә ядро қораллар мәсилисини тинч вә дипломатик йоллар билән һәл қилишқа қошулған. Буш "шималий корийә америкиниң ярдимигә еришиштин бурун ядро қораллар пиланидин алди билән ваз кечиш керәк " деди.

Әмма шималий корийә алди билән америкидин тинч мәқсәтләр үчүн ишлитилидиған ядро ряктор қазиниға еришмигичә, ядро қораллар пиланидин ваз кәчмәйдиғанлиқини билдүрмәктә.

Җәнубий корийә бушниң шәрқий асия әллиридә елип бериватқан зияритиниң 2 - бекити. Буш бу йәрдә асия - тинч окян һәмкарлиқ тәшкилатиниң башлиқлар йиғиниға қатнишиду.

Буш, чаршәнбә күни японийидә сөзлигән нутуқида җәнубий корийини махтап, " җәнубий корийә һазир дуня бойичә иқтисади әң мувәппәқийәтлик болған вә асиядики әң мувәппәқийәтлик демократик дөләтләрниң бири " дәйду. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.