Bush bilen ro mu- xyun, koriye urush toxtitish kélishimi ornigha tinchliq kélishimini dessitishke qoshuldi

Amérika prézidénti jorji bush bilen jenubiy koriye prézidénti ro mu-xyun, peyshenbe küni jenubiy koriyining qedimqi paytexti kyongjuda uchriship, shimaliy koriye bilen imzalan'ghan urush toxtitish kélishimining ornigha tinchliq kélishimini dessitishke qoshuldi.

Koriye urush toxtitish kélishimi 1953 - yili amérika, xitay we shimaliy koriyiler otturisida imzalan'ghan. Shuning bilen birge , ular shimaliy koriyining yadro qorallargha ige bolushigha süküt qilip turmaydighanliqini jakarlidi. Emma bushning tekitlishiche, ikki dölet shimaliy koriye yadro qorallar mesilisini tinch we diplomatik yollar bilen hel qilishqa qoshulghan. Bush "shimaliy koriye amérikining yardimige érishishtin burun yadro qorallar pilanidin aldi bilen waz kéchish kérek " dédi.

Emma shimaliy koriye aldi bilen amérikidin tinch meqsetler üchün ishlitilidighan yadro ryaktor qazinigha érishmigiche, yadro qorallar pilanidin waz kechmeydighanliqini bildürmekte.

Jenubiy koriye bushning sherqiy asiya elliride élip bériwatqan ziyaritining 2 - békiti. Bush bu yerde asiya - tinch okyan hemkarliq teshkilatining bashliqlar yighinigha qatnishidu.

Bush, charshenbe küni yaponiyide sözligen nutuqida jenubiy koriyini maxtap, " jenubiy koriye hazir dunya boyiche iqtisadi eng muweppeqiyetlik bolghan we asiyadiki eng muweppeqiyetlik démokratik döletlerning biri " deydu. (Erkin)