Amérikining shimaliy koriye yadro mesilisi söhbet wekili béyjinggha yétip keldi


2008-02-18
Share

Amérika tashqi ishlar ministiri kandiliza rays xanimning xitay ziyariti bashlinishtin ilgiri amérikining shimaliy koriye yadro mesiliside söhbet élip baridighan bash wekili béyjinggha yétip keldi.

Béyjingda turushluq amérika elchixanisining bayanatchisi susan stéwénson xanimning bildürüshiche,, amérika dölet wekili kirstofér hil ependi jenubiy koriye we yaponiyige seper qilishtin ilgiri, bügün chüshtin kéyin xitayning shimaliy koriye yadro söhbitige qatnishidighan munasiwetlik xadimliri bilen körüshidiken.

Melum bolushiche, hil ependining bu nöwetlik xitay ziyariti, yéqinda shimaliy koriye yadro mesiliside béyjingda ziyarette bolidighan amérika tashqi ishlar ministiri kandiliza rays xanimning shimaliy koriye yadro mesilisi üstide élip baridighan söhbitige asas sélish iken.

Amérika, jenubiy koriye, rusiye, yaponiye we xitaylar arilashqan shimaliy koriyining yadro mesilisi söhbiti netijilik bolghandin kéyin, shimaliy koriye ötken yili 31- dékabirghiche, asasliq ré'aktorlirini chuwup tashlashqa maqul kelgen.

Birleshme agéntliqida körsitilishiche, shimaliy koriye ötken yili noyabirda chuwulidighan atom ré'aktorlirining tizimlikini tapshurghanliqini bildürgen bolsimu, emma amérika hökümiti shimaliy koriyining yene mexpiy uran qoyuldurush qurulushlirining toluq tizimlikinimu tapshurushni kütüwatqanliqini bildürgen.

Shimaliy koriye xéli uzundin buyan yadro qorallirini tereqqi qildurush we uran qoyuldurush qurulushini dawamlashturup kéliwatqan bolup, 2006- yili öktebirde netijilik halda atom siniqi élip barghanliqini élan qilghandin kéyin, washin'giton da'irilirini endishige salghan idi. (Jüme)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet