Amérikining mu'awin prézidénti dék cheyni qazaqistanda


2006-05-05
Share

Birleshme agéntliqining xewer qilishiche, amérikining mu'awin prézidénti dik cheyni jüme küni qazaqistan'gha bardi. Bu amérikining yuqiri derijilik hökümet emeldarlirining sowét ittipaqi gumran bolghandin kéyin uning eslidiki réspublikilirining biri bolghan, istratégiye jehette énérgiye zapisi mol dölet dep hésabliniwatqan bir döletni tötinchi qétim ziyaret qilishi bolup hésablinidu.

Amérikining mu'awin prézidénti cheyni bu qétim qazaqistan prézidénti nur sultan nazarbayéw bilen bu elning mol néfit, tebi'iy gaz bayliqliridin téximu köp paydilinish mesilisi we kishilik hoquq xatirisidiki mesililer heqqide sözlishidu. Amérikining siyasiti qazaqistanning énérgiye menbelirini köplep échip, uning gherbte we bashqa jaylarda bazargha sélinishini ilgiri sürüshtin ibaret.

Amérika tashqi ishlar ministirliqining ministir yardemchisi richard bawchér amérika dölet mejliside hazir amérika hökümiti "dunyada bulduqlap chiqiwatqan néfitning muqimliqini saqlash, shundaqla kaspi déngizining tégide néfit turubisi yasash üchün sözlishiwatidu dégen idi.

Amérika tashqi ishlar ministirliqining xatirisige qarighanda, qazaqstanning kishilik hoquq xatirisi téxiche nachar halette turmaqta. Bir péshqedem hökümet emeldarining éytishiche, bu qétim amérikining mu'awin prézidénti qazaqistanda sabiq sowét ittipaqi 1991 ‏- yili yimirilgendin buyan izchil hoquq tutup kéliwatqan nazarbayéwni démokratik islahat élip bérishqa ündeydu.

Xewerde bayan qilinishiche, amérikining mu'awin prézidénti dék cheyni qazaqistan'gha kelgende, qazaqistan saqchiliri öktichi guruppilar rehberliridin shenbe küni astanada cheyni bilen körüshüshke teklip qilin'ghan ghalimjan zakiyanow qatarliq kishilerni almatadin kétishke mejburlighan. (Weli)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet