Qazaqistan prézidéntining amérika ziyariti dawamlishiwatidu


2006.09.28
Share on WhatsApp
Share on WhatsApp

Amérikidiki ziyaritini dawamlashturuwatqan qazaqistan prézidénti nur sultan nazerbayéw, bügün amérikining mu'awin prézidénti dék chini bilen uchrashti.

Dék chini ötken yili may éyida qazaqistanni ziyaret qilip, bu dölet rehberlirini siyasiy we iqtisadiy islahatni dawamlashturushqa chaqirghan idi. Qazaqistan prézidénti jüme küni aqsarayda prézidént jurj bush bilen uchrishidu.

Düshenbe küni nyuyork shehiride qazaqistan tashqi ishlar ministiri toqayof bilen körüshüp, ikki dölet rehbirining söhbet témisi üstide muzakire ilip barghan amérika tashqi ishlar ministiri kondaliza rayis, bu söhbetke özining kishilik hoquq mesilisidiki yardemchisi bariy lowen kronnimu teklip qilish arqiliq kishilik hoquq mesilisining prézidént bush bilen nazerbayéf uchrishishining muhim témisini teshkil qilidighanliqining bisharitini bergen.

Prézidént nazerbayéw jüme küni aqsarayda prézidént jurj bush bilen uchrashmaqchi.

Bu arida, dunyada démokratiyini ilgiri sürüsh üchün pa'aliyet élip bériwatqan erkinlik sariyi prézidént bushgha xet ewetip, nazerbayéfning ziyaritining prézidént bushning dunyada démokratiye we kishilik hoquqni ilgiri sürüsh üchün bergen wedisini emelge ashurushi üchün tépilmas bir purset ikenlikini bildürdi. Erkinlik sariyi shundaqla prézidént bushni qazaqsitanning 2009‏- yili yawropa bixeterlik we hemkarliq teshkilatining re'islik wezipisini qolgha keltürüsh pa'aliyitini qollimasliqqa chaqirdi.

Gerche qazaqistan ottura asiyagha jaylashqan bir dölet bolsimu, emma bu dölet sabiq sowit jumhuriyetliri bilen birlikte yawropa bixeterlik we hemkarliq teshkilatining ezasi. (Qanat)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet