Sabiq amérika tashqi ishlar yardemchi ministiri armitéch teywenni ziyaret qildi

Sabiq amérika tashqi ishlar yardemchi ministiri armétich teywende élip barghan ziyariti dawamida teywen prizéndénti chén shuybyen bilen körüshti.

Amérika birleshme agéntliqining peyshenbe küni bergen xewirige qarighanda , armétich ayrupilandin chüshüpla özining teywende shexsi salahiyet bilen ziyarette boluwatqanliqini bildürgen.

Charshenbe küni teywen'ge yétip kelgen armétich, muxbirlargha, teywende élip baridighan ziyaritining üch kün dawamlishidighanliqini bildürgen, u peyshenbe küni gomindang partiyisining re'isi ma yingju bilen söhbetleshkendin kéyin, prézidént sariyigha yétip kélip, chén shuybyen bilen uchrashqan. Biraq muxbirlarning bu heqte xewer élan qilishini ret qilghan.

Armétich bilen chén shuybyen élip barghan söhbetning mezmuni hazirche sirtqa ashkarlanmidi.

Xitay hökümiti, herqandaq bir dölet erbabining meyli qandaq salahiyet bilen bolushidin qet'i nezer, teywenni ziyaret qilishini tosup kelmekte.

Nöwette , teywen bilen xitay chong quruqluqi otturisidiki munasiwet kündin - kün'ge jiddiylishish weziyitige kirgen bolup, yéqinda xitay chong quruqluqi teywenni iqsadiy jehette tiz püktöridighanliqini bildürdi. (Eqide)