Amérika dölet mejlisi awam palatasi teywen terepni téximu köp imtiyazlar gha ige qilishni teshebbüs qilmaqta

Xitay hökümiti peyshenbe küni amérika dölet mejlisi awam palatasi teripidin amérika- teywen munasiwetliri toghrisida qobul qilin'ghan teklip layihisini qattiq tenqid qilip, bu , amérika ‏- xitay otturisidiki kélishimlerning jiddiy depsende qilinishi dep körsetti.

Xitay tashqi ishlar minstirliqining bayanatchisi jyang chiyü béyjingda muxbirlargha bergen bayanatida": amérika dölet mejlisining bu herikiti, amérika hökümiti teripidin tekitlinip kelgen bir junggu prinsipigha pütünley xilap"dédi.

Bu arida teywen merkizi xewer agéntliqi, amérika dölet mejlisi awam palatasining , teywen bilen amérika otturisida aliy derijilik hökümet xadimlirining ziyaretlirige qoyulghan cheklimini bikar qilish toghrisida qarar qobul qilghanliqini xewer qildi.

Amérika birleshme agéntliqining xewer qilishiche, amérika dölet mejlisi awam palatasi teripidin amérika - teywen munasi'iwetliri heqqide qobul qilin'ghan qararda, bundin kéyin amérika hökümitining resimiy höjjetliride teywenni dölet dep atishi hemde teywen rehberlirining aqsarayni ziyaret qilishigha ruxset bérishi teklip qilin'ghan.

Mezkür qarar layihisining resmiylishishi üchün , qarar amérika dölet mejlisi kéngesh palasi teripidinmu qobul qilinishi kérek.

Amérikining teywen bilen resmiy diplomatiye munasiwiti yoq, emma amérika teywenni qoral-yaraq bilen teminlewatqan asasliq dölet bolup, amérika teywenni qoghdash üchün herqandaq bir dölet bilen urushqa kirishi mumkin. (Eqide)