Amérika, iran islam inqilabi qoghdighuchi qoshunini "térrorchi" teshkilatlar tizimlikige kirgüzüshi mumkin


2007.08.16
Share on WhatsApp
Share on WhatsApp

Amérika emeldarlirining ashkarilishiche, amérikining pat yéqinda iran islam inqilabi qoghdighuchi qoshunini chet'ellik térrorchi teshkilatlar tizimlikige kirgüzüsh éhtimali mewjut bolup, bu arqiliq iranning yadro qorallar pilani, afghanistan we iraqtiki weqelerde oynawatqan roligha sewr - taqiti téshiwatqanliqini ipadilimekchi iken.

Eger amérika iran islam inqilabi qoghdighuchi qoshunini bu tizimlikke kirgüzse, bu amérikining tunji qétim igilik hoquqluq bir döletning qoralliq küchlirini térrorluq organ, dep élan qilishi bolup qalidu. Birleshme axbarat agéntliqi bu heqtiki xewiride, bu tedbir iran bilen zich soda munasiwiti bar döletlerge amérikining iranni yétim qaldurushta jiddi ikenliki, iran bilen sodini dawamlashturghuchi shirketler amérikining jiddi imbargosigha duch kélidighanliqini agahlandurush roli oynaydighanliqini bildürdi.

Közetküchiler, eger amérika islam inqilabi qoghdighuchilar qoshunini bu tizimlikke kirgüzse, eng éghir zerbige uchraydighan döletlerning biri xitay bolup qalidighanliqini eskertmekte. Chünki iran xitayning énérgiye, herbiy téxnika we esliheler sodisidiki eng muhim soda shériklirining biri bolupla qalmay, u yene xitayning xelq'ara mesililerde siyasi - idé'ologiye jehettiki ittipaqdishidur.

Amérika hökümitidiki bu xewerni ashkarilighan emeldarning eskertishiche, amérika buni pat yéqinda élan qilishni oylishiwatqan bolsimu, lékin qachan élan qilish mesiliside téxi waqit jedwili békitmigen. Iran tashqi ishlar ministirliki bu xewerni iran islam jumhuryitige qarshi teshwiqat we psixologiyilik heriket," dep eyiblidi.(Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.