Amérikining teywendiki bash elchixanisi wezipisidiki instituti bina sélish üchün 99 yilliq ijarige qol qoydi
2004.12.22
Amérika hökümiti charshenbe küni amérikining teywendiki bash elchixanisi wezipisini orundawatqan teywendiki amérika institutigha yéngi bir bina sélish üchün teybéydiki bir yerni 99 yilliq ijarige aldi .
Franisye axbarat agéntliqining xewer qilishiche, amérikining bu jayni 99 yilliq ijarige alghanliqi teywen- amérika munasiwitidiki muhim bir burulushning ipadisi hésablinidiken .
Teywendiki amérika instituti seyshenbe küni 1979 - yilidin biri tunji qétim bir amérika herbiy xadimining mezkur inistitutda wezipe ötesh üchün teyinlen'genlikini bildürgen idi . Amérika hökümitining wezipe üstidiki bir herbiy xadimini teywendiki amérika institutigha ewetish qarari, amérikidin teywen bilen bolghan herbiy alaqini üzüshini telep qiliwatqan xitay hökümitining qattiq tenqidige uchrighan .
Teywendiki amérika bash elchixanisi wezipisini orundawatqan, amérika inistitutining re'isi daglis pulmu , ijarige élish kélishimining imzalinish murasimida bergen bayatida, bu weqe amérika we teywen xelqlirining munasiwitidiki muhim bir körsetküch, didi .
Köpchilikke melum bolghandek , teywendiki amérika instituti, washin'gton 1979 - yili teybéyni tashlap , béyjing bilen diplomatiye munasiwiti ornatqandin biri amérikining teywendiki bash elchixanisining wezipisini orundawatidu .
Gerche amérika teywen bilen diplomatik munaswitini üzgen bolsimu, lékin teywen bilen munasiwetler qanunigha asasen , xitayning tehdidige taqabil turush üchün teywenni qoral bilen teminlimekte .(Qanat)