Amérika bilen xitay, xitayning "bölünüshke qarshi qanuni" ni muzakire qildi


2005-01-06
Share

Amérika bilen xitayning yuqiri derijilik emeldarliri charshenbe küni washin'gitonda, xitay da'iriliri tüzgen"bölünüshke qarshi qanun" ni muzakire qildi.

Amérika tashqi ishlar ministirliqining bayanatchisi edem erilining bildürishiche, amérikining mu'awin tashqi ishlar ministiri richard armitich xitayning teywen ishliri bashqarmisining mudiri chin yünling bilen körüshüp, "bölünüshke qarshi qanun" ni öz ichige alghan ikki qirghaq munasiwiti heqqide söhbet ötküzgen.

Söhbette richard armitich, amérikining meydanini qayta tekitlep, xitay bilen teywenning tinich halda di'alog ötküzüsh yoli bilen ixtilabni hel qilishi kéreklikini körsetken. U yene, her ikkila terepni, hazirqi haletni öz aldigha özgertidighan we weziyetni murekkepleshtüridighan heriket élip bérishtin saqlinishqa chaqiridighanliqini bildürgen.

Fransiye axbarat agéntliqining xewirige qarighanda, xitayning memliketlik xelq qurultiyi kiler yili 3 - ayda mezkür qanun lahiyisini muzakire qilidu. Halbuki xi'ay xelq qurultiyining da'imiy hey'et komititi bolsa ötken hepte bu qarar layihisini testiqlighan.

Analizchilar, xitayning "bölünüshke qarshi qanuni" ni teywenni musteqilliq yoligha méngishtin chekleshni nishan qilip tüzgenlikini bildürgen. Teywen hökümiti bolsa, xitay hökümitining mezkür qanunni tüzüsh arqiliq teywen'ge hojum qilish üchün qanuniy asas yaritishqa uruniwatqanliqini eyiplimekte. (Arzu)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet