Еванис хитайни пул қиммитини әркин тутушқа чақирди


2005.01.12
Share on WhatsApp
Share on WhatsApp

Хитайда зиярәттә боливатқан америка сода министири дон еванис чаршәнбә күни буш һөкүмитиниң хитайға қилған чақириқини қайта әскәртип, хитайниң әркин пул қиммити түзүлмисини йолға қоюшини тәләп қилди.

Америка сода министири дон еванис бейҗиңдики америка сода җәмийитидә чаршәнбә күни қилған нутуқида, хитайниң әркин пул қиммити түзүлмисини йолға қоюшини тәләп қилди.

Ройтерс ахбарат агентлиқиниң хәвиригә қариғанда, еванис бу сөзлирини бейҗиңдики америка сода җәмийитидә қилған нутуқида оттуриға қойған болуп, у йәнә, хитай һөкүмитиниң хәлқ пули қиммитини қәстән контрол қиливелишиға болған наразилиқини ипадилиди.

Еванис сөзидә йәнә вашингтон һөкүмитиниң, хитайниң бивастә сетишқа болған контроллуқини бошитишини вә шу арқилиқ америка ширкәтлирини хитай базирида адил риқабәткә қатнишишқа йол қоюшини үмид қилидиғанлиқини билдүргән.

Америка һөкүмити хитайниң пул қиммитини қәстән төвән тутивелишиға нарази болуп, хитайниң хәлқ пулиниң доллар билән болған тегишиш нисбитини изчил бир хил баһада контрол қилип туривелишиниң хитай әрзан маллириниң америкиға төкмә болуп киришигә сәвәп боливатқанлиқини тәкитлимәктә. (Пәридә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.