Éwanis xitayni pul qimmitini erkin tutushqa chaqirdi


2005-01-12
Share

Xitayda ziyarette boliwatqan amérika soda ministiri don éwanis charshenbe küni bush hökümitining xitaygha qilghan chaqiriqini qayta eskertip, xitayning erkin pul qimmiti tüzülmisini yolgha qoyushini telep qildi.

Amérika soda ministiri don éwanis béyjingdiki amérika soda jem'iyitide charshenbe küni qilghan nutuqida, xitayning erkin pul qimmiti tüzülmisini yolgha qoyushini telep qildi.

Roytérs axbarat agéntliqining xewirige qarighanda, éwanis bu sözlirini béyjingdiki amérika soda jem'iyitide qilghan nutuqida otturigha qoyghan bolup, u yene, xitay hökümitining xelq puli qimmitini qesten kontrol qiliwélishigha bolghan naraziliqini ipadilidi.

Éwanis sözide yene washin'gton hökümitining, xitayning biwaste sétishqa bolghan kontrolluqini boshitishini we shu arqiliq amérika shirketlirini xitay bazirida adil riqabetke qatnishishqa yol qoyushini ümid qilidighanliqini bildürgen.

Amérika hökümiti xitayning pul qimmitini qesten töwen tutiwélishigha narazi bolup, xitayning xelq pulining dollar bilen bolghan tégishish nisbitini izchil bir xil bahada kontrol qilip turiwélishining xitay erzan mallirining amérikigha tökme bolup kirishige sewep boliwatqanliqini tekitlimekte. (Peride)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet