Kishilik hoquq mesilisi, amérika- xitay munasiwitide tosalghuluq rol oynaydiken


2005.01.23
Share on WhatsApp
Share on WhatsApp

Amérika hökümiti, kishilik hoquq mesilisining amérika- xitay munasiwitining tereqqiyatida tosalghuluq rol oynawatqanliqini bildürdi.

Amérika tashqi ishlar ministirliqining bayanatchisi richard bawchir aldinqi küni bayanat élan qilip, "xitay nurghun sahelerde xelq'araliq ölchemlerge yéqinlashti. Amérika xitayning kishilik hoquq tereptimu xelq'araliq ölchemlerni qubul qilishini ümid qilidu" dédi.

U yene, "amérika, xitayning eng chong ékisport baziri. Amérika - xitay munasiwiti nurghun sahelerde kéngiyiwatidu. Biraq kishilik hoquq mesilisi bashtin - axir amérika- xitay munasiwitige tosqunluq qilip kéliwatqan amil bolmaqta" dep körsetti. U shundaqla yene, amérikining ittipaqdashlirining hemmisining dimokratiye we kishilik hoqoqqa hörmet qilidighan döletler ikenlikini tekitlidi.

Fransiye axbarat agéntliqining shenbe küni bergen xewiride körsitilishiche, richard bawchirning xitayning kishilik hoquq xatirisini eyiplishi del amérika prézidénti jorj bushning qesem bérish nutuqini sözligen künining etisige toghra kélidu.

Jorj bush qesem bérish nutuqida, dunyaning her bir burjikigiche erkinlik we démokratiyini tarqitidighanliqi we dunyadiki zorawan hakimiyetlerge xatime béridighanliqi heqqide wede bergen idi. (Arzu)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.