Amérika xitaygha qaritilghan qoral - yaraq imbargosining bikar qilinishigha qarshi chiqti

Amérika hökümiti seyshenbe küni bayanat élan qilip, kishilik hoquq jehettiki sewepler tüpeylidin yawropa ittipaqining xitaygha qaritilghan 15 yilliq qoral - yaraq imbargosini bikar qilishqa qarshi turidighanliqini bildürdi.

Amérika tashqi ishlar ministirliqining bayanatchisi rochard bowchér seyshenbe künidiki muxbirlarni kütüwélish yighinida, xitayning kishilik hoquq xatirisidiki yitersizliki özgermigiche, qoral yaraq imbargosini bikar qilish waqit jehettin xata bolupla qalmay shundaqla yene xata signal bérididighanliqini tekitlidi.

Richard bowchér, "bizning qarishimizche, xitayning kishilik hoquq mesilisi qoral - yaraq imbargosini keltürüp chiqarghan. Biz kishilik hoquq mesiliside xitayning özgürüsh yasighanliqini körüp yételmiduq. Emeliyette, biz bezi mesililerde keynige chékinish ehwalini bayqawatimiz. Bu bizde hazir qoral yaraq imbargosini bikar qilish waqti emes digen qarash peyda qilmaqta,"dep körsetti.

Richard bowchér yene mundaq deydu: " biz elwette yene yawropa ittipaqining xitaygha mezkur rayonning herbiy weziyitini özgertidighan qorallarni sétip bérishtin, bolupmu xitayning teywen bilen herbiy weziyitini özgertidighan qorallarni sétip bérishidin endishe qilimiz."

Bush hökümitidiki tashqiy ishlar ministiri kolin powéll bilen kolin powéllning warisi kondiliza rayis, aldinqi küni en'giliye tashqi ishlar ministiri jek straw bilen, seyshenbe küni gérmaniye tashqi ishlar ministiri joshka féshirlar bilen xitaygha qaritilghan imbargo mesilisi boyiche söhbet élip barghan.(Erkin)