Хитай һөкүмити америкиниң димократийини илгири сүрүш һәққидики чақириқини рәт қилди


2005-01-27
Share

Хитай һөкүмити пәйшәнбә күни баянат елан қилип, америкиниң демократийини илгири сүрүш вә кишилик һоқуқ вәзийитини яхшилаш һәққидики чақириқини рәт қилди.

Хитай ташқи ишлар министирлиқиниң баянатчиси куң чүән баянатида, "биз демократийә вә қанун қурулуши җәһәтләрдә нурғун нәтиҗиләрни қолған кәлтүрдуқ. Башқа дөләтләрниң бизгә қандақ қилиш һәққидә әскәртиш беришиниң һечқандақ һаҗити йоқ" диди.

Америка президенти җорҗ буш чаршәнбә күни хитай рәһбәрлирини кишилик һоқуқ вәзийитини яхшилашқа чақирип, "мән хитай рәһбәрлири билән елип берилидиған келичәктики сөһбәтләрдә, өз пуқралириниң кишилик һоқуқи вә инсаний қәдир- қиммитини һөрмәт қилидиған җәмийәт қурушниң пайдисини, уларға даим әскәртип туримән" дигән иди.

Америка ташқи ишлар минситирлиқи өткән һәптә шундақла, кишилик һоқуқ мәсилисиниң америка- хитай мунасивитидики бир тосалғу икәнликини тәкитләп, хитайниң демократийини йолға қоюп, кишилик һоқуққа һөрмәт қилмиғичә, америкиниң йеқин иттипақдиши болалмайдиғанлиқини көрсәткән. (Арзу)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт