Xitay hökümiti amérikining dimokratiyini ilgiri sürüsh heqqidiki chaqiriqini ret qildi

Xitay hökümiti peyshenbe küni bayanat élan qilip, amérikining démokratiyini ilgiri sürüsh we kishilik hoquq weziyitini yaxshilash heqqidiki chaqiriqini ret qildi.

Xitay tashqi ishlar ministirliqining bayanatchisi kung chüen bayanatida, "biz démokratiye we qanun qurulushi jehetlerde nurghun netijilerni qolghan keltürduq. Bashqa döletlerning bizge qandaq qilish heqqide eskertish bérishining héchqandaq hajiti yoq" didi.

Amérika prézidénti jorj bush charshenbe küni xitay rehberlirini kishilik hoquq weziyitini yaxshilashqa chaqirip, "men xitay rehberliri bilen élip bérilidighan kélichektiki söhbetlerde, öz puqralirining kishilik hoquqi we insaniy qedir- qimmitini hörmet qilidighan jem'iyet qurushning paydisini, ulargha da'im eskertip turimen" digen idi.

Amérika tashqi ishlar minsitirliqi ötken hepte shundaqla, kishilik hoquq mesilisining amérika- xitay munasiwitidiki bir tosalghu ikenlikini tekitlep, xitayning démokratiyini yolgha qoyup, kishilik hoquqqa hörmet qilmighiche, amérikining yéqin ittipaqdishi bolalmaydighanliqini körsetken. (Arzu)