Amérika we xitayning dölet mudapi'e emeldarliri béyjingda söhbet ötküzdi

Amérika dölet mudapi'e ministirliqining bir wekiller ömiki düshenbe küni béyjingda xitay herbiy da'iriliri bilen yépiq söhbet ötküzdi.

Amérikining béyjingdiki bash elchixanisi gerche bu qétimliq söhbet mezmunlirini hazirche tepsiliy ashkarilimaydighanliqini bildürsimu, emma ikki terepning uchrishishta térrorchiliq we rayon bixeterliki mesililiride toxtilishi mumkinlikini melum qildi.

Amérika birleshme agéntliqining amérika dölet mudapi'e ministirliqidiki bir neper xadimning sözini neqil keltürüshiche, washin'gton hökümiti amérika-xitay herbiy alaqisigha alahide ehmiyet béridiken.

Amérika dölet mudapi'e ministirliqining mu'awin yardemchi ministiri richard lowlés xitaydiki ziyaritide yene, xitay azadliq armiyisining bash shtap bashliqi shyong gu'angkey bilen körishidiken.

Buningdin ilgiri ikki dölet arisida, yawropa birlikining xitaygha yürgüzgen qoral cheklmisini bikar qilish, teywen we iran'gha yadro qoral téxnikilirini sétish qatarliq bir qatar mesililerde ixtilaplar körülgen idi.(Peride)