Prézidént bush xu jintaw bilen téléfonda shimaliy koriye we teywen qatarliq mesililerni muzakire qildi


2005-05-06
Share

Amérika prézidénti jorji bush peyshenbe küni xitay dölet re'isi xu jintaw bilen téléfonda sözliship, shimaliy koriye yadro qorallar mesilisidiki endishilirini shundaqla bu yoldiki 6 dölet söhbitini qollaydighanliqini bildürgen. Aq saray, ikki dölet rehbirining téléfon söhbiti shimaliy koriye, tenwen mesilisi shundaqla iqtisadi we soda mesililirige chétilghanliqini bildürdi.

Aq sarayning bayanatchisi miklilan, " koriye yérim arilini yadrosizlashturush yolida dawamliq hemkarlishidighanliqini tekitligen ikki rehber, shimaliy koriye mesilisi pewquladde endishe yaritiwatqanliqini tilgha aldi" dep körsetti.

Xitay hazirgha qeder shimaliy koriye 6 dölet söhbitining üch qétim sahipxanliqini qildi. Emma amérika xitayning shimaliy koriyini söhbet üstilige qayturup kélish yolida yiterlik küch chiqishqa undimekte.

Bu arida yaponiyining "sankéy shimbun" géziti, yaponiye bilen amérika shimali koriye yadro qorallar mesilisini xewpsizlik kéngishining muzakirisige qoyush üchün teyyarliniwatqanliqini xewer qildi. Miklilanning ashkarilishiche, xu jintaw teywendiki gomindang re'isi lyen jenning xitayda élip barghan yéqinqi ziyariti toghrisida melumat bergen. Emma miklilan, "prézidént bush re'is xu jintawni tenwenning saylan'ghan rehbiri chén shüybyen bilen söhbet ötküzüshke ündidi," dep körsetti.

Amérikining mu'awin tashqi ishlar ministiri zuléyk, béyjing da'irilirining chén shüybyen'ge qarshi meydandiki üktichilerni kütüwélishi, teywende ichki parchilinishni peyda qilishi mumkin, dep agahlandurdi. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet