Amérika dölet mudapi'e ministiri xitayni ziyaret qildi
2005.10.17
Xitaygha qattiq qol siyaset yürgüzüsh terepdarliqi bilen tonulghan amérika dölet mudapi'e ministiri donald ramsfild, düshenbe küni xitayni ziyaret qilish üchün yürüp ketti. Xewerlerge qarighanda ramsfild ziyaret jeryanida xitay herbiy da'iriliri bilen ikki dölet herbiy munasiwetliri üstide söhbet élip baridiken.
Xitayning herbiy xam chotini yildin - yilgha köpeytish pilani, amérika we asiya ellirini xitayning istratégiyilik yölinishi we meqsidi toghrisida jiddiy endishige salmaqta idi. Amérika dölet mudapi'e ministirliqi xitayning herbiy xam chotni köpeytish pilani amérikining asiyadiki herbiy küchige qaritilghan, dep endishe qilmaqta.
B b s ning xewer qilishiche, amérika dölet mudapi'e ministirliqidiki emeldarlar, ramsfild ziyaret jeryanida xitay bilen zor mesililerde bösüsh xaraktérlik ilgirilesh hasil qilidu, dep qarimaydiken.
Ramsfild, béyjingda xitayning herbiy tereqqiyat ehwali, xitay rehberlirining istratégiyilik niyiti toghrisida téximu köp uchurlargha érishishni ümid qilidu. Igilishimizche, xitay herbiy da'iriliri ramsfildning béyjingda 2 - topchi qisimlar qomandanliq merkizini ziyaret qilishigha qoshulghan, emma senshidiki herbiy qomandanliq merkizini ziyaret qilishigha unimighan. (Erkin)
Munasiwetlik maqalilar
- Amérika maliye ministiri sinow xitayni xelq pulining qimmitini östürüshke ündeydu
- Robért zoylik: xitayda bir partiye diktatorliqi uzun'gha barmaydu
- Donald ramisfild öktebirde béyjingni ziyaret qilmaqchi
- Xu jintaw bilen bush nyu - yorkta uchrishidu
- Xu jintawning amérika ziyaritining kéchiktürülgenlikige oxshimighan qarashlar