Райис ли җавшиң билән иран мәсилисидә телефон сөһбити өткүзди


2006.08.27
Share on WhatsApp
Share on WhatsApp

Америка ташқи ишлар министири кондолиза райс шәнбә күни хитай ташқи ишлар министири ли җавшиң билән телефон сөһбити өткүзүп, иран мәсилиси вә америка-хитай мунасивәтлиридә сөһбәтләшти.

Шинхуа агентлиқи, ли җавшиңниң райс билән иран ядро киризиси мәсилиси вә америка-хитай икки тәрәп мунасивитини яхшилаш қатарлиқ темиларда өз-ара пикир алмаштурғанлиқини хәвәр қилған. Әмма сөһбәтниң тәпсилий мәзмунлирини ашкарилимиған.

Иран ядро киризиси нөвәттә хәлқара җәмийәт диққәт етибарини бериватқан муһим мәсилә болуп қалди. Әмма иран даирилири 22‏- авғуст күни америка, әнглийә, франсийә, германийә, хитай вә русийә қатарлиқ 6 дөләт оттуриға қойған лайиһигә инкас қайтуруп, униңдики уран тавлаш пиланини тохтитиш тәкливини рәт қилди.

Бирләшкән дөләтләр тәшкилати бихәтәрлик кеңиши иранни 31‏- авғусттин бурун уран тавлаш пиланини тохтитишқа буйруқ қилип, ундақ болмиғанда иранниң бир йүрүш җазаларға учрайдиғанлиқини агаһландурған иди. (Пәридә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.