FDA Әрмәк һайванларниң өлүми үстидә тәкшүрүш елип бармақта


2007.05.02

Америка йемәк-ичмәк вә дора-дәрмәк башқуруш идариси(FDA), майниң 1- күниаз дегәндиму 4 миң әрмәк һайван өлүминиң, хитайдин импорт қилинған меламин билән юқумланған әрмәк һайванлар йемәклики билән мунасивәтлик дегән доклатни дәлилләш үчүн тәкштүрүш елип бериватқанлиқини билдүрди.

Америкида охшимайдиған товар маркиси билән миңлиған әрмәк һайван йемәклики сетилған болуп, йеқинда буларниң тәркибидә пластик материяллар вә химийивий оғут ишләпчиқиришта ишлитидиған меламин елементи байқалғанлиқи үчүн мәзкур түрдики 150 хил мәһсулат йиғивелинған иди.

Мәлум болушичә, FDA әнсизчиликтә қалған херидарлардин 17 миң қетим телефун қобул қилған, вә у кәлгән теләфунларни тәққаслап, 8 миңини FDA ниң санлиқ мәлумат амбириға киргүзгән.

Америка йеза игилик министирликидин кәлгән мал дохтури кен петерсен: "мәзкур һадисиниң әрмәк һайванат йемәклики билән мунасивәтлик икәнликини биз техи дәлилләп болалмидуқ " дегән. Униң билдүрүшичә, бу вақит тәләп қилидиған мәсилә икән.

Униңдин башқа, хитайдин киргүзүлгән өсүмлүк ақсили америкида башқа һайванларни бордаш үчүнму ишлитилгән болуп, FDA ниң мөлчәрлишичә, 3 милйон тоху вә 6 миң туяқ чошқа ашу өсүмлүк ақсили билән бордалған.

Мунасивәтлик хадимларниң билдүрүшичә, мәзкур ақсил билән бордалған һайванат гөшлири тәркибидә наһайитиму аз миқдарда меламин болғачқа адәмләрниң саламәтликигә зәхмә елип келиш хәтири интайин товән икән.

Һазир америка йимәк-ичмәк вә дора-дәрмәк идариси FDA ниң бир қисим тәкшүргүчи хадимлири хитайда меламин билән юқумлинишниң қандақ йүз бәргәнлики һәмдә буниң башқа һадисиләрни кәлтүрүп чиқириш еһтималиниң бар ‏- йоқлиқи үстидә хитай һөкүмити билән бирликтә мәшғулат илип бериватиду. (Җүмә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.