Amérika maliye ministiri pa'ulson xitayni ziyaret qildi


2007-07-30
Share

Amérika maliye ministiri pa'ulsonning 4 kün dawamlishidighan xitay ziyariti yekshenbe küni resmiy bashlandi. Pa'ulsénning bu ziyariti amérika dölet mejliside xitay xelq pulining qimmiti, xitay - amérika sodisidiki qizil reqem we xitay mallirining bixeterlik mesilisi jiddiy naraziliq qozghawatqan bir mezgilde élip bérilmaqta.

Pa'ulsén bu sepiride xitay rehberliri bilen xelq pulining qimmiti, muhit mesilisi qatarliq témilarda söhbet élip baridu. U ziyaritining tunji küni xitayning chingxey ölkisi shining shehirige yétip bérip, bu yerde chingxey kölini közdin kechürdi. Chingxey köli qush zukam wirusi bayqalghan teb'iy qoghdash rayonlirining biri bolup, bu jay b d t ning sehiye organliri teripidin tekshürülgen. Xitay da'iriliri chingxey kölide muhit qoghdash türlirini yolgha qoymaqta. Buningdin sirt pa'ulson seyshenbe küni béyjingda xitay dölet re'isi xu jintawni öz ichige alghan yuqiri derijilik xitay rehberliri uchriship, xitay - amérika iqtisadi hemkarliqidiki istiratégiyilik mesililer üstide söhbet élip baridu.

Amérika ‏- xitay sodisida amérikining soda qizil reqimi pewqul'adde yuqiri bolghanliqtin, amérika xitayni adaletsiz soda riqabet muhiti peyda qilish bilen eyiblimekte. Pa'ulsénning xitay ziyaritining muhim küntertipliridin biri, xitay da'irilirini xelq pulining qimmitini bazar arqiliq tengsheshke qayil qilishtin ibaret. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet