Америка һөкүмити йиллиқ доклат елан қилип хитайни тәнқидлиди


2007-10-16
Share

Америка дөләт мәҗлиси вә һөкүмитиниң җуңго ишлири бирләшмә комитети, бүгүн 2007 ‏-йиллиқ доклатини елан қилип, олимпик тәнһәрикәт йиғининиң саһиби болған бейҗиң һөкүмитиниң кишилик һоқуқни яхшилаш һәққидә бәргән вәдисидә турмай, хәлқниң кишилик һоқуқини изчил дәпсәндә қиливатқанлиқини, өктичиләрни бастуруватқанлиқини шуниңдәк мәтбуатларға қаратқан контроллуқини давамлиқ күчәйтиватқанлиқини оттуриға қойди.

Америка дөләт мәҗлиси вә һөкүмити тәрипидин тәсис қилинған мәзкур комитетниң, америка президенти һәмдә дөләт мәҗлисигә һәр йиллиқ доклатини сунушта қануний мәҗбурийити бар болуп, комитет бу йил һазирлиған 300 бәтлик доклатиниң толуқ нусхини өткән чаршәнбә күни елан қилди.

Америка дөләт мәҗлиси вә һөкүмитиниң җуңго ишлири бирләшмә комитети тәрипидин елан қилинған доклатида тәкитлинишичә, хитайда кишилик һоқуқ дәпсәндичилики еғир дәриҗидә садир болуштин сирт, қанун саһәси бойичә ислаһат елип бериш қәдими интайин аста икән. Мәзкур комитет , доклат һазирлаштин бурун уйғур аптоном райони билән тибәт аптоном райониға қарита алаһидә тәкшүрүш елип берип, хитайниң бу икки районидики бастурмичилиқ сияситиниң күчийиватқанлиқини ашкарилиған.

Доклатта, сөз қилиш әркинлики билән диний әркинликниң қаттиқ тосқунлуққа учраватқанлиқи, америка авази, әркин асия радиоси қатарлиқ чәтәл мәтбуатлири вә башқа кишилик һоқуққа даир тор бәтләрниң кашилиға учраватқанлиқи тәнқид қилинип, чәтәл мухбирлириға әркинлик тәләп қилиниш билән биргә йәнә қолға елинған сиясий өктичиләр вә диний паалийәтчиләрниң дәрһал қоюп берилиши тәләп қилинған . (Әқидә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт