Amérika hökümiti yilliq doklat élan qilip xitayni tenqidlidi


2007-10-16
Share

Amérika dölet mejlisi we hökümitining junggo ishliri birleshme komitéti, bügün 2007 ‏-yilliq doklatini élan qilip, olimpik tenheriket yighinining sahibi bolghan béyjing hökümitining kishilik hoquqni yaxshilash heqqide bergen wediside turmay, xelqning kishilik hoquqini izchil depsende qiliwatqanliqini, öktichilerni basturuwatqanliqini shuningdek metbu'atlargha qaratqan kontrolluqini dawamliq kücheytiwatqanliqini otturigha qoydi.

Amérika dölet mejlisi we hökümiti teripidin tesis qilin'ghan mezkur komitétning, amérika prézidénti hemde dölet mejlisige her yilliq doklatini sunushta qanuniy mejburiyiti bar bolup, komitét bu yil hazirlighan 300 betlik doklatining toluq nusxini ötken charshenbe küni élan qildi.

Amérika dölet mejlisi we hökümitining junggo ishliri birleshme komitéti teripidin élan qilin'ghan doklatida tekitlinishiche, xitayda kishilik hoquq depsendichiliki éghir derijide sadir bolushtin sirt, qanun sahesi boyiche islahat élip bérish qedimi intayin asta iken. Mezkur komitét , doklat hazirlashtin burun Uyghur aptonom rayoni bilen tibet aptonom rayonigha qarita alahide tekshürüsh élip bérip, xitayning bu ikki rayonidiki basturmichiliq siyasitining küchiyiwatqanliqini ashkarilighan.

Doklatta, söz qilish erkinliki bilen diniy erkinlikning qattiq tosqunluqqa uchrawatqanliqi, amérika awazi, erkin asiya radi'osi qatarliq chet'el metbu'atliri we bashqa kishilik hoquqqa da'ir tor betlerning kashiligha uchrawatqanliqi tenqid qilinip, chet'el muxbirlirigha erkinlik telep qilinish bilen birge yene qolgha élin'ghan siyasiy öktichiler we diniy pa'aliyetchilerning derhal qoyup bérilishi telep qilin'ghan . (Eqide)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet