Америка дөләт мудапиә министири гейтис хитайни зиярәт қилиду


2007-11-01
Share

Америка дөләт мудапиә министири роберт гейтис, келәр һәптә хитайни икки күнлук зиярәт қилип, хитай һәрбий даирилири вә сияси рәһбәрлири билән бир қатар көрүшүшләрдә болиду. Америка дөләт мудапиә министирлиқи баянатчиси морел, гейтисниң зиярәт җәрянида хитай һәрбий әслиһәлирини зиярәт қилмайдиғанлиқини, пәқәт хитай рәһбәрлири билән бир қатар көрүшүшләрдә болидиғанлиқини билдүрди.

Бу роберт гейтисниң америка дөләт мудапиә министирлиқини өткүзүвалғандин бери тунҗи қетим хитайни зиярәт қилиши болуп қалиду. Хитай даирилири болса гейтисниң зиярити икки дөләт арисидики һәрбий ишәнчини илгири сүрүшини үмид қилди.

Хитай ташқий ишлар министирлиқи баянатчиси лю җйәнчав, " биз гейтисниң зияритини икки дөләт һәрбий даирилири арисидики зор вәқә,дәп қараймиз" дәйду. Америка - хитай һәрбий алақиси йеқинқи мәзгилләрдә күчәйгән болсиму, лекин америка шундақла японийә вә австралийә қатарлиқ дөләтләр хитайни һәрбий ишларда техиму очуқ - ашкара болушқа чақирмақта.

Америка дөләт мудапиә министирлиқиниң әскәртишичә, хитай даирилири бу йил һәрбий хам чотини 17.8 Пирсәнт өстүрүп, аз кәм 45 милярд долларға чиқарған болсиму, лекин әмәлийәттики һәрбий хам чоти буниңдин көп юқири болуши мумкин. Гейтис хитай зияритидин кейин җәнубий корийә вә японийиләргә бариду. Лекин баянатчи морел, гейтисниң бейҗиң сәпиридә хитай тәрәп билән конкрет қайси мәсилиләр үстидә сөзлишидиғанлиқини ашкарилимиди. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт