Amérika herbiy emeldari xitayda ziyarette boldi


2007.03.22
Share on WhatsApp
Share on WhatsApp

Fransiye agéntliqining 22 ‏- mart béyjingdin bergen xewirige qarighanda, amérika herbiy ishlar bash qomandani pétér peys, xitayning herbiy qomandanliri bilen söhbet ötküzüsh üchün béyjinggha kelgen.

Amérika elchixanisi bayanatchisining bildürüshiche, qomandan peyis xitay herbiy terep bash qomandani lyang gu'anglyé bilen söhbet ötküzidiken. U yene xitay dölet mudapi'e bash ministiri saw gangchu'en we xitay merkizi herbiy komitétining mu'awin re'isi go boshiyunglar bilen körüshidiken.

Peyisning bu qétimliq ziyariti, amérika bilen xitay terep arisida amérika tinch okyanda turushluq qoralliq qisimlar qomandani ötken yili may we awghust aylirida xitay terep bilen herbiy ishench turghuzush üchün qilghan ziyaritini élip barghandin kiyin élip bérilghan ikkinchi qétimliq herbiy uchrishish iken.

Ular teywen mesilisi heqqidimu söhbet ötküzidiken. Chünki amérika ötken ayda teywen'ge 400 dane bashqurulidighan bomba sétip bérishni élan qilghan. Teywen 1949 yilidin béri amérika ‏- xitay munasiwetlirini yaxshilashtiki asasliq bir tosalghu bolup kelgen. Eger teywen musteqilliq yoligha qarap mangsa xitaylar qoral küchi ishlitimiz dep tehdit sélip kéliwatqan idi. (Jüme)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet