Amérika mashina zapchasliri tamozhna béji heqqide xitayni erz qilmaqchi


2006.09.03

Amérika soda wekilining bildürishiche, amérika yéqinda xitay bilen bolghan tamozhna béji majrasida ilgirligen halda tedbir qollunup, dunya soda teshkilatining bu majragha höküm chiqirishigha sunidiken.

Roytérsning xewirige qarighanda, amérika soda wekili suzan shwabning bayanatchisi 1‏-awghust küni "biz pat arida mexsus bir késim guruppisi teshkillimekchi. Biz hazir pütün diqqitimizni bu mesilige merkezleshtüriwatimiz" dégen. Suzan shwab téxi yéqindila xitaydiki ziyaritini axirlashturghan idi.

Amérika bilen yawropa ittipaqi birlikte buyil 3‏-ayda resmiy yosunda dunya soda teshkilatigha xitay üstidin erz sunup, xitayning amérikidin import qilidighan mashina zapchaslirigha adil bolmighan ehwalda yuqiri tamozhna béji qoyuwalghanliqini eyibligen hemde buning xitayning 2001‏-yili dunya soda teshkilatigha eza bolush waqtida bergen wedilirige tüptin xilap ikenlikini körsetken.

Dunya soda teshkilatining belgilimisi boyiche, talash-tartishtiki ikki terep 60 künning ichide kéngishish arqiliq mesilini hel qilishi kérek. Eger bu waqit cheklimisi ichide ular yenila birlikke kélelmise, u chaghda dunya soda teshkilati mexsus mutexessler guruppisi teshkillep, bu mesile üstidin qarar chiqiridu. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.