Америка хитайни иқтисадий ислаһат мәсилисидә қаттиқ әйиблиди


2006.12.12
Share on WhatsApp
Share on WhatsApp

Америка һөкүмити хитайни дуня сода тәшкилатиға киргән чағдики вәдисидә турмиғанлиқидин қаттиқ әйибләп, йеқинқи бир нәччә айдин буян хитайниң иқтисад вә шундақла сода ислаһатида зор чекинишләрниң йүз бериватқанлиқини көрсәтти.

Америка һөкүмити йәнә "әгәр хитай бу һәқтә җидди чарә қолланмайдикән, ундақта мәсилә иқтисадий җаза берилиш арқилиқ бир тәрәп қилиниду" дәп билдүргән. Америка малийә министири һәнрй паулсон хәнрү полсунниң хитай зиярити башлиништин илгири, америка сода ишлири вәкили сузин шиваб (Susan Schwab) америка дөләт мәсилисигә 100 бәтлик доклат сунди.

Мәзкур доклатта, хитайниң суда ишлиридики қилмишлири қаттиқ тәнқит қилинған болуп "гәрчә хитайда, бир қисим җәһәтләрдә аз ‏-тола илгириләшләр болған болсиму, хитай көп саһәдә, болупму ишләпчиқириш вә әқли мүлүк һоқоқини қоғдаш җәһәттә өзиниң бундин 5 йил илгири дуня сода тәшкилатиға киргәндә қилған вәдисигә хилаплиқ қилған" дәп көрситилгән.

Сузин шиваб америка дөләт мәҗлисигә сунған бу доклатида йәнә хитайни америкиниң хитай базиридики сода ишлириға тосалғу яратмаслиқ һәққидә агаһландурған. (Меһрибан)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.