Америка парламентиниң рәһбәрлири хоңкоңдики сиясий ислаһаттин үмидсизләнди


2005.10.27
Share on WhatsApp
Share on WhatsApp

Америка дөләт парламентиниң рәһбәрлири хоңкоң алаһидә мәмурий райониниң башлиқи зиң йинчүән билән көрүшүп, өзлириниң хоңкоңдики пуқраларниң әркинликиниң чәклимигә учраватқанлиқи һәққидики әндишилирини оттуриға қойди.

Зиң йинчүән хоңкоңниң башлиқи болғандин буян түнҗи қетим вашингтонға қилған үч күнлүк зияритидә, авам палата хәлқара мунасивәтләр комитетиниң рәиси хәнрий хайид вә демократлар партийисиниң авам палатасидики рәһбири том ләнтис билән көрүшкән.

Франсийә ахбарат агентлиқиниң хәвиригә қариғанда америка парламентиниң бу рәһбәрлири хоңкоң һөкүмитиниң оттуриға қойған йеңи сиясий ислаһат лайиһисидә, омомий сайлам мәсилисидә илгириләшләр йоқлиқидин үмүдсизләнгәнликини ипадилигән.

Улар йәнә хоңкоңниң мәтбуатлар вә көчмәнләргә болған контроллуқни күчәйтиши, демократик затларға виза беришни рәт қиливатқанлиқи һәмдә бейҗиң һөкүмитиниң хоңкоңниң " асасий қануни" ға йитәрлик һөрмәт қилмайватқанлиқ мәсилилириниму оттуриға қойған.

Әмма зиң йиңчүән хоңкоңниң өткән һәптә елан қилған йеңи сиясий ислаһат лайиһисини ақлап, уни дхоңкоңниң емократийилишишидики муһим бир қәдәм дәп атиған. У йәнә бу қетимқи сәпири арқилиқ, америкиниң һәр қайси саһәсиниң хоңкоңға болған "хата" чүшинишини йоқутушни үмүд қилидиғанлиқини билдүргән.

Күзәткүчиләр, хоңкоң хитайға қайтурулған нәччә йил ичидила, хоңкоңниң әркинлик вә демократийисидә зор чикиниш болғанлиқини билдүрмәктә. (Арзу)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.