Amérika parlaméntining rehberliri xongkongdiki siyasiy islahattin ümidsizlendi


2005.10.27

Amérika dölet parlaméntining rehberliri xongkong alahide memuriy rayonining bashliqi zing yinchü'en bilen körüshüp, özlirining xongkongdiki puqralarning erkinlikining cheklimige uchrawatqanliqi heqqidiki endishilirini otturigha qoydi.

Zing yinchü'en xongkongning bashliqi bolghandin buyan tünji qétim washin'gton'gha qilghan üch künlük ziyaritide, awam palata xelq'ara munasiwetler komitétining re'isi xenriy xayid we démokratlar partiyisining awam palatasidiki rehbiri tom lentis bilen körüshken.

Fransiye axbarat agéntliqining xewirige qarighanda amérika parlaméntining bu rehberliri xongkong hökümitining otturigha qoyghan yéngi siyasiy islahat layihiside, omomiy saylam mesiliside ilgirileshler yoqliqidin ümüdsizlen'genlikini ipadiligen.

Ular yene xongkongning metbu'atlar we köchmenlerge bolghan kontrolluqni kücheytishi, démokratik zatlargha wiza bérishni ret qiliwatqanliqi hemde béyjing hökümitining xongkongning " asasiy qanuni" gha yiterlik hörmet qilmaywatqanliq mesililirinimu otturigha qoyghan.

Emma zing yingchü'en xongkongning ötken hepte élan qilghan yéngi siyasiy islahat layihisini aqlap, uni dxongkongning émokratiyilishishidiki muhim bir qedem dep atighan. U yene bu qétimqi sepiri arqiliq, amérikining her qaysi sahesining xongkonggha bolghan "xata" chüshinishini yoqutushni ümüd qilidighanliqini bildürgen.

Küzetküchiler, xongkong xitaygha qayturulghan nechche yil ichidila, xongkongning erkinlik we démokratiyiside zor chikinish bolghanliqini bildürmekte. (Arzu)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.