Японийә, америка, һиндистан бирләшмә деңиз армийә маневири өткүзди


2007-04-16
Share

Дүшәнбә күни, японийә, америка вә һиндистан қатарлиқ дөләтләр тинч окянда, өз ‏- ара мунасивәтни илгири сүрүш үчүн бирләшмә һәрбий маневир өткүзди.

Мунасивәтлик хадимларниң билдүрүшичә, мәзкур маневир юқириқи дөләтләр тунҗи қетим өткүзгән бирләшмә деңиз армийә маневири икән. Маневирға айрим-айрим һалда японийиниң шәрқи деңиз қирғиқидин 4 қоғдиғучи парахоти, америкиниң 2 кичик уруш парахоти, һиндистанниң 3 уруш парахоти қатнашқан.

японийә дөләт мудапиә баянатчиси мундақ деди: "японийә, америка вә һиндистан бирлишип тунҗи қетим өткүзгән бу маневирниң мәқсити болса, бу үч дөләт арисидики достанә һәрбий мунасивәтни илгири сүрүш вә деңизда йүрүш техникисини тәрәққий қилдуруш".

Токйо билән хитай арисидики мунасивәтләрниң үзлүксиз йүз берип туридиған җиддийчилики сәвәбидин, японийә баш вәзири шинзо абе, японийә, америка, һиндистан вә австралийә арисида көп йөнилишлик иттипақдашлиқ орнитишни көп қетим тәләп қилған.

Өткән йили декабирдики юқири дәриҗилик дөләт әрбаблири йиғинида шинзо абе һиндистан баш министири манмоханға бирликтә деңиз армийә маневири өткүзүш һәққидә мақуллуқини билдүргән иди.

Лекин мунасивәтлик әрбаблар мәзкур бирләшмә маневирниң хитай билән мунасивәтлик икәнликини рәт қилди. (Җүмә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт