Yaponiye, amérika, hindistan birleshme déngiz armiye manéwiri ötküzdi

Düshenbe küni, yaponiye, amérika we hindistan qatarliq döletler tinch okyanda, öz ‏- ara munasiwetni ilgiri sürüsh üchün birleshme herbiy manéwir ötküzdi.

Munasiwetlik xadimlarning bildürüshiche, mezkur manéwir yuqiriqi döletler tunji qétim ötküzgen birleshme déngiz armiye manéwiri iken. Manéwirgha ayrim-ayrim halda yaponiyining sherqi déngiz qirghiqidin 4 qoghdighuchi paraxoti, amérikining 2 kichik urush paraxoti, hindistanning 3 urush paraxoti qatnashqan.

Yaponiye dölet mudapi'e bayanatchisi mundaq dédi: "yaponiye, amérika we hindistan birliship tunji qétim ötküzgen bu manéwirning meqsiti bolsa, bu üch dölet arisidiki dostane herbiy munasiwetni ilgiri sürüsh we déngizda yürüsh téxnikisini tereqqiy qildurush".

Tokyo bilen xitay arisidiki munasiwetlerning üzlüksiz yüz bérip turidighan jiddiychiliki sewebidin, yaponiye bash weziri shinzo abé, yaponiye, amérika, hindistan we awstraliye arisida köp yönilishlik ittipaqdashliq ornitishni köp qétim telep qilghan.

Ötken yili dékabirdiki yuqiri derijilik dölet erbabliri yighinida shinzo abé hindistan bash ministiri manmoxan'gha birlikte déngiz armiye manéwiri ötküzüsh heqqide maqulluqini bildürgen idi.

Lékin munasiwetlik erbablar mezkur birleshme manéwirning xitay bilen munasiwetlik ikenlikini ret qildi. (Jüme)