Amérika bilen yaponiyining bixeterlik bayanati xitayni nishanlighan


2004-12-22
Share

Amérika bilen yaponiye kéler yili 2 - ayda ikki terepning herbiy hemkarliqini kücheytidighan bixeterlik bayanatini élan qilidighan bolup, bu asiya-tinch okyan rayonining bixeterlikige tehdit bolghan xitay bilen shimaliy koriyige qarshi turushni meqset qilidiken.

Roytérs axbarat agéntliqining bildürüshiche, yaponiyide chiqidighan " nixon kéyzay shimbun" géziti xewiride, amérika bilen yaponiyining mezkur herbiy kélishimide, xitayning herbiy teyyarliqlirini shiddet bilen ashurushni we shimaliy koriyining yadro qorallirini tereqqiy qildurishigha oxshash asiya-tinch okyan rayonidiki yéngi tehditlerni yighinchaqlaydighanliqini bildürgen.

Yaponiye dölet mudapi'e ministirliqining mushu ayda otturigha qoyghan xitayni perezdiki düshmen dep qarash neziriyisi xitayning küchlük gheziwini qozghighan bolup, amérika bilen yaponiye élan qilmaqchi bolghan mezkur bixeterlik bayanatnamisi xitayni téximu ghezeplendüridighanliqi mölcherlenmekte.

Xewerde melum bolishiche, amérika bilen yaponiyining tashqi ishlar we dölet mudapi'e emeldarliri pat arida bixeterlik söhbiti élip barghandin kéyin, kéler yili 2 - ayghiche ikki terep herbiy hemkarliqni téximu kücheytidighan we bixeterlik ghayisini qayta békitken asasta yéngi kélishim hasil qilidiken. ( Peride )

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet